أسباب رعشة اليدين
رعشه الايد من أشهر شكاوي مرضي المخ والأعصاب أهم الأسباب١- مرض باركنسون Parkinson's disease اللي اسمه الشلل الرعاش و هو مفيهوش شلل و لا حاجه بس بيبقي فيه صعوبة فى المشي و رعشه باليدين و بطء في الحركه و الصوت يوطي و الخط يصغر نتيجه نقص ماده الدوبامين في المخ زي اللي حصل للملاكم الشهير محمد علي كلاي٢- الرعشه الاساسيه essential tremorsرعشه كبار السن و تبان لما يمسك كوبايه شاي او يمسك قلم او ملعقه شوربه و ممكن بتبقي موجوده في القرايب لان فيها جانب وراثي٣ - رعشه بسبب الادويه drug induced tremors في أدويه بتعمل رعشه زي موسعات الشعب و مضادات الاكتئاب و الفالبروات (الديباكين)٤- رعشه بسبب أمراض أخري زي مثلا ارتفاع نسبه هرمونات الغده الدرقيهthyrotoxicosis و يبيقي معاها نبضات القلب سريعه و فقدان الوزن و عرق و احيانا جحوظ العين٥- رعشه الرنح ataxic tremors ده مرض نتيجه خلل بالمخيخ المسئول عن الاتزان فبيبقي معاه هزه بالجسم و عدم اتزان و رعشه باليدين٦- رعشه الرجلين مع الوقوف Orthostatic tremors و تحصل في الرجلين مش الايدين و تبان مع الوقوف و يحس بيها المريض و قد لا يلاحظها أحد سواه٧- رعشه التهاب الاعصاب Neuropathic tremors مرضي التهاب الاعصاب الطرفيه زي مرضي السكر مثلا ممكن يبقي عندهم رعشه في الأطراف٨- رعشه فسيولوجيهPhysiological tremorsيعني طبيعيه زي رعشه الخوف و التوتر و القلق٩- رعشه نتيجه أمراض اضطرابات الحركه نتيجه خلل بمراكز الحركه في المخ زي اللي بتحصل مع Wilson disease اللي هو مرض النحاس و مع ديستونيا dystonia١٠ - خبر مش لطيف🙄 : القهوه و مشروبات الطاقة و كافه المشروبات المحتويه علي الكافيين و كذلك التدخين بيعملوا رعشه خاصه مع الإفراط فيها
